Association des Etudiants Burundais en Chine

kiringo catanzwe kugira ngo abipfuza kuja munzego zigiye gutunganya ibikorwa vya AEBC muri uyu mwaka wa 2010-2011,carangiye uno munsi . le 12/11/2011

Ibibanza vyo kwitozamwo bikaba vyari ibi bikurikira:
1.Poste du Coordinateur de L'AEBC
2.Poste du representant des etudiants du 3eme cycle
3.Poste du representant des etudiants du cycle Universitaire
4.Poste du tresorier de l'AEBC

Hakaba hashoboye gutangwa Candidature zitatu gusa . nazo ni
1.Poste du Coordinateur de L'AEBC : NSAVYIMANA AIME ( ville de Tianjin )
2.Poste du representant des etudiants du 3eme cycle : pas de candidat
3.Poste du representant des etudiants du cycle Universitaire : SENTORE EUSTACHE ( ville de Changsha )
4.Poste du tresorier de l'AEBC : MUKEZANGANGO REGIS (MILITANT} ( ville de wuhan)
Ikibazo c'ikibanza ca representant des etudiants du 3eme cycle kitaronse candidature kikazoca cigwa na comite nshasha igiye guserukira AEBC, tukizera ko kizotorerwa inyishu.
Mugutora ,musi y'iyi message murabona ahanditse ngo : "Ajouter un commentaire",aho murashobora kwandika ivyiyumviro vyanyu kuri izo candidatures
les resultats z'ayo matora z'uko aba ba candidats bagenwa canke batagenwa ngo barongore rino shirahamwe ryacu zikazoca zibashikirizwa itariki le 15/11/2010 ,hisunzwe la majorite y'abazoba batoye.

Murakoze . Imana ibahezagire 

Banyakubahwa muserukira uburundi bwacu hano m’ubuchinois ,banyeshure mwese dusangiye ishirahamwe AEBC ( Associatiation des Etudiants  Burundais en Chine ), namwe barundi  mwikorera utwanyu aha m’ubuchinois , ndabaramukije ndabipfuriza  amahoro y ‘imana ,  amagara , iterambere mu vyanyu no mubanyu . Nkuko musanzwe mubizi , twimirije guhimbaza  iminsi mikuru yo mumpera z’umwaka .Nagire rero kw’ izina rya AEBC,  no kw’izina rya jewe nyene , ndabipfurize umwaka mushasha kuko ari mwe muryango mfise hano .

          Isaha yaraheze , umunsi urahera, ukwezi kurahera , umwaka nawo buca urangira , hatangure uwundi mushasha .  Muga kuko wewe murudi wese aho uri  atawundi azoza agusubirira mukibanza ufise  mubuzima bwanje , ndakwipfurije umwaka w’amagara ,iterambere ,ubumenyi , urukundo  kubarundi bene wacu . Akazi warungitswe gukora kuri ino si ( kurya atawuzogusubirira ) ,buca uronka umwaka mushasha wo gukora ivyo vyose utaranguye mumwaka uheze , akaryo ko kuza muri AEBC  ugaterera ivyiyumviro , tugashobora kumenya ico turi twebwe abarundi ,tukereka amakungu ukuri nyakuri kutwinyegejemwo ,kuturanga .  uhereye kuri uyu muzungu yavuze ngo aba noir nti dusoma ,ngo n uwubisomye ntazovyereka mugenziwe .nogusaba ko worungikira rino kete mugenzawe , nka  Nelson ari  i kuming (plus au sud mubuchinois ) amenye ko Galina ari jiamusi (plus au nord ) amwipfuriza umwaka mushasha kuri uno munsi udasanzwe .

Mur’ uno mwaka buca dutangura , TUguhaye ikaze muri AEBC, aho uzosanga umugenzi nyakuri ,   umugenzi agukunda ukuri , aho ikituranga ari gukunda ibikorwa ,no kwiyubaha .  Uko ninako iterambere rizoboneka iwacu .  kuko  iminsi tuzomara  hano kw’isi iraharuye  . Mukabona ndagiye  ataco mariye igihugu canje canke wewe mugenzanje , muzopfume mwandika ku ntatemwa ko nari navuze ko bishoboka ko dushika aho abandi bashitse. Muze tuje hamwe dutangure umwaka mushasha , dushira inyuma ibidutandukanya , yamara dushire imbere ibiduhuza , nukuvuga ukwizera gushasha kwa kazoza keza kuri twese ,iterambere kuri twese , iterambere iwacu i Burundi , ugutekanirwa kw’igihugu cacu , n’abacu , iterambere ry’ imiryango yacu hama amahoro aboneka hagati yacu .

Umuryango(porte ) wa 2009 buca wugarwa , uwa 2010 nawo buca wugururwa , nkaba ndakwipfurije ko muri uwo mwaka buca dutangura wojahamwe na mwenewanyu  ,mugatahura ko muri hamwe mugira umuryango ( famille) mugashobora kwugurura uwo muryango(porte) muri direction nziza .

Nkuko bayamaze ngo imitwe ikora ikoranye , nk’ipfuza ko muri uno mwaka mushasha buca dutangura ,mwonyemerera nkabegera , tugakosora aho hose bitagenze neza . kuko ndafise  icizere ko bishoboka . Tugeze muri epoque ou l’homme va a la lune , ntakuntu natwe twoguma tureze amaboko . niho abana bacu un jour bazovuga nabo bati : je suis fiere d’etre burundais .  kurubwo rero nkaba ni pfuza ko wotangura kubona mugenzawe ko ari umuvukanyi , ukamukundira umuryango , mugasangira bike mufise , akumva amaboko yawe muyiwe .(incuti n’ikindi irahumuriza …)

Muri AEBC  twiyemeje ,muri uwo mwaka buca dutangura ,hamwe woza ukadufasha , kugerageza kwisubizako agahuzu ahohose katuvuyeko ,guha iteka umurundi wese aho ari .  Tugerageze kwagukirwa umwe wese yumve ko ari  imuhira , tugarukane umuco kuko tubikeneye kurya dukenera aho  tuba  hamwe nutwo umuntu afungura.

Buca turonka uwundi mwaka , twibuke gushimira imana ,kubona twaje aha tukahasanga abandi bavukanyi , tukahasanga AEBC .. Muri uwo mwaka buca dutangura ,tubonereho gusengera igihugu cacu kironke amahoro adashira .  Muri uwo mwaka , muze tuje hamwe muri AEBC, tubone gutahura yuko atanahamwe tuzopfa dushitse mugihe tudashoboye gutahura ko dutegerezwa gusangira ivyo bike dufise . Ube umwaka wo guhindura ingendo kuri umwumwe wese , ubonye  umuvukanyi ,wame ugerageza kubona ivyiza biri muri we ,  ninaho tuzoshobora gutahura ko ibi tubona mumahanga bishoboka iwacu , niho tuzohaguruka tukarwanya ko  igihugu cacu kiba   musee y’ ubukene .                                                         

Ivyaranguwe  na AEBC muri uno mwaka buca urangira, bimpa icizere c’ivyo dushobora gukora  muri uwo mwaka mushasha .

Uburundi twavuye kure ( kuva twikukira ) , twabonye vyinshi ( imyaka  twamaze muntambara ) , vyaduhaye icirwa , biduha ubukomezi , muga ivyo gukora biracari vyinshi . Nsavye rero umurundi wese aho ari , muri  uno mwaka wa 2010 kwiha ihangiro ( objectif) ry ‘ico agiye guterera .kuko ikiraro turiko turubaka  duciye muri AEBC ,kizodukura muri kahise kabi , kidutwara muri kazoza keza  kizosaba itafari ryawe ,  intererano y’umwumwe wese ..kuko kazoza kico gihugu cacu kari muminwe yacu ,kandi bazokitubaza .

Mboneyeho akaryo ko kubibutsa ko hariho AEBC . abayizi murazi ivyiza imaze kurangura ,  twiyemeje muri uno mwaka wa 2010 kutazosubira inyuma , tuzotera tuja imbere .umwe wese rero asabwe  guseruka , yitange gose , 3 fois kurusha uko yitanze mumwaka uheze ,aebc ikomere . duheze twuzure umunezero wo kubona turi abarundi .

Nkuko mubizi mumigenzo yacu,imigenzo iranga igihugu c’uburundi  , umwaka wama  uhimbarizwa mumuryango . Kw’izina rero ry’abanyeshure babarundi baba aha tianjin ndi n’iteka ryo gutumira umunyeshure wese yo shobora  kuhashika , italiki 31/12/2009 aha  mugisagara ca tianjin akaza tugasangira umwaka  .tuzotangura igihe c’isaha 19h z’umugoroba  . cane cane abanyeshure b i beijing muri hafi , nti kaze murisanze .  ntituzo kwihanganira les abscense justifiees, dushaka  ahubwo des  presence justifiees.

Kubatazoshobora kuhashika nabo ,kuko  ibisagara vyacu biri kure na kure , nobabwira nti mutekane kuko aebc  ntiyabibagiye .  mfadikanije   nabo munzego za aebc ,  turi niteka ryo kubamenyesha  ko muburuhuko  twimirije hateguwe rencontre izohuza abarundi bose baba aha mubuchinois ,abanyeshure hamwe nabikorera utwabo , ikaba izobera mugisagara ca shanghai . itarike tukaba tuzoyibamenyesha hanyuma . aha nkaba nashaka kubibamenyesha kugira ntimuzofate iyindi migambi .(ibizoba bisabwa bindi tukaba tuzobibamenyesha muminsi iri imbere )  nkaba ndabahaye ikaze mwese kuri uwo munsi  .

Irikete mushobora kurisanga kuri site ya aebc ariyo  www.aebc.blogzoom. fr   .munsi muzobona ahantu ho gushira commentaire ,  nkaba nsavye umurundi wese  kuja hano kuri iyo site yipfurize umwaka mushasha  abandi barundi bagenzi we bari mumihingo itandukanye y’ ubuchinois . ushobora  no gushikiriza iciyumviro icaricocose woba ufise  . hamwe wokwibuka kwandika ko uzotwitaba shanghai  jewe ,eka nabandi vyo tunezera .  

 Nkaba ndangije nsubira kubipfuriza umwaka mushasha mwese ,amagara,  iterambere muvyigwa , iterambere ry’ imiryango yanyu n’ abanyu  . murakoze

 IMANA IBAHEZAGIRE , IHEZAGIRE IGIHUGU CACU         

                Nsavyimana  Aime 

                                                                                           Coordinateur de la AEBC

 NDABARAMUKIJE AHO MURI MWESE .

Barundi , Barundikazi, bene wacu ,ndabaramukije ndabipfuriza amahoro y ‘imana hagati yanyu .  Ndi n ‘iteka ntangere naraye ntewe ryo kugenwa ngo nserukire  AEBC , uwo nawo ukaba ar’umugwi uhurikiyemwo  abanyeshure bose b’abarundi  biga hano mugihugu c’ubushinois  ( Association des Etudiants Burundais de Chine ) . Nkaba nari mfashe kano kanya  rero  ngo ngaragaze  umunezero mfise .

Ubwambere  nambere nashaka gushimira cane bivuye k’umutima umushingantahe  Pascal Mpawenayo  yahoro arongoye  association  , k’ukungene yitanze   ijoro n’umutaga ,  kw’ineza y’ association ,  yama ahimbarwa  no kubona abarundi  bose aho bari atakibubakiye  . Ico nomusaba nukwama hafi , akamfata mumugongo twe nabo tugiye gufashanya muri ano mabanga (nkaba nabone mboneyeho akanya ko kubakeza ). Nkaba nda mwipfurije  kuroranigwa muri vyose , imana imuje imbere mumigambi yiwe  .

 Barundi bene wacu ,icatumye  niyemeza gukora kino gikorgwa   , n’umutima w’urukundo  ngufitiye (  wewe  murundi  uriko usoma rino kete muri uno mwanya ,nkaba nda na gushimiye kuri ako kanya  umpaye ko kurisoma  ) , umutima  wo kwumva ko nokwita muziko ngacika amakara , muga nkumva  ko wewe murundi aho uri  Tianjin , Nanjing , wuhan , Beijing, Jiamusi , Changchun,Shenyang ,jinan,wuxi,Changsha,guanxi,Chengdu,Hangzhou,kuming ,hunan ..  murundi wese aho uri m’ubushinois eka no kwisi yose  ufise amahoro , utekaniwe .    Nkumva  ni pfuza ko twohura, tukaganira  , tukamenyana ,  tukaganira  ivya hariya iwacu , tugashobora kugira umuryango narirya turi kure y’abiwacu  . Ico ninaco gikorwa nyamukuru association ishira imbere . Tugafatana munda mutugorane tw’imisi yose ,tugasangira akabisi n’agahiye  . Nkaba nzi neza  ko ata inabi  nimwe  yoshikira umurundi  canke ikaba  hagati y’abarundi yoreka gukizwa n’ineza iri hagati y’abarundi hano m’ubushinois eka no kwisi yose na cane cane iburundi iwacu  .

  Kiretse ubumenyi dukura mwishure ,ubushinois n’igihugu ,tugiye hamwe tuga hana hana ivy’iyumviro, twosumamwo ubundi bumenyi .Abashinois barakenye cane mumyaka iheze , baricwa n’inzara , Mao Zedung ( yaharaniye ukwikukira kw’abashinois ) aca abwira umushinois aho ari hose ko ahuye na mugenziwe , imbere yo gukora icarico cose ategerezwa kumubaza ko yaronse ico afungura . Musanzwe mubizi ko ijambo  你吃饭了吗 ? bakunda kuribazanya hagati yabo eka na twebwe .None murabona aho bashitse .Aha tukaba twohakura icigwa co gufatana munda , ivyo navyo tukaba tuzobishikako  atagukekeranya hamwe twese twitanze atawusigaye inyuma .

Barundi  bene mama ,Nkaba ndabasaba nti muze tuje hamwe ndushire inguvu hamwe , tugendere ubuntu  aho turi hose .ubwo buntu nabwo bukaba bugizwe no gushira imbere : imana , iteka ,ubupfasoni ,ubutungane,ubuvyeyi .  Umwumwe wese y’ubake ubuzima bwiwe , mugutangura gufasha mugenziwe kwubaka ubwiwe .  Urukundo s’icamwa  gihiye umuntu  yamura , kiravundikwa kikabona gusha , n’ishugwe riterwa , rikavomerwa, rikabagagwa .  le Bonheur est plus dans le don que dans la reception . Nanje kubaha umutima wanje ngiye kubigira igikorwa nyamukuru muri ano mabanga muheruka kunshikiriza .

Umuvyeyi  wacu (uburundi ) butubwira buti :

Amahoro bane banje , murakomeye  aho muri ?  Haheze iminsi itari mike  mugiye iyo mumahanga , si numva ukuntu nogaragaza  umunezero mfise ,ni yumviye ko muzogaruka  mwarateye imbere muvyiyumviro ,mwararahuye ubwenge , buzobafasha  guteza imbere bene wanyu na cane cane kurera batoyi banyu mwasize hano . Ikindi kinezera ni urukundo mudahengeshanya  kumpa , mumpaya iyo mumakungu  . ivyo vyose binyereka  ko  nzoryoherwa hamwe n’abandi bavyeyi , nk’ishima, nk’ishimiriza kubona mfise  imisore n’inkumi nkamwe . Bibondo ,bamwe bamwe mumaze igihe hiyo , bamwe bashasha  nabone narumvise ko bashitse amahoro  ,aho nkaba nshimira AEBC kukugene yabakiye . Ndagerageza kwiyungunganya  naho inguvu atari nyinshi cane , muga  nibutse ko ndabafise ndanezerwa, nkumva nuzuye inguvu n’umunezero .Maze iminsi ariko ntasinzira , hari ibihimba bimwe bimwe vy’umubiri  biriko birampemukira . Ariko bizogenda neza , niyo mwakorana , mwe bakuru, mukicara na batoya banyu ,mukanzanira agati . Murazi ko imitwe ikora ikoranye , kandi ngo tubiri tuvurana ubupfu .

Ntihagire ikizobateranya bane . Mumenye ko ikintunze ar’urukundo rwanyu .  Ndaryoherwa cane numvise ingene mwigenza hiyo, ivyo bimpa icizere ko nanje umunsi ur’izina nzoyagwa mumakungu ,bahaya ubwiza bwanje .                            ico nobasaba ni gufatana munda . H’iyo narumvise ko  ibirere atari vyiza  nkaha iwacu . Abo mubumanuko bashuhiwe gose , abo mubu burengero bakanye gose , muvugane muhurire hagati ho hadakanye kandi hadashushe  ( ntanyagupfa nta nyagukira )mwese mwavuye munda yanje .                                                                                                                           Mwicare  murime urukundo niwo muti uzonkiza . Mushire imbere ibikogwa ,kuko harya imana iha uwurondeye .  muzotahe ,mushire mumashure batoya banyu ,  muze murwanye ubukene , mubere akarorero abandi . mwame mushira imbere  imigenzo myiza , akaranga kanyu . ….                                                                                      Bane banje mfise vyinshi nashaka kubabwira , ariko reka ngeze aha , ndabahe umwanya wo gukora ica bajanye .  Narumvise ko bitoroshe gose ariko  nukugira ishaka . Ndabakumbuye  cane nkaba nibaza ko muzoza kundamutsa vuba .  Imana ibane namwe .  Yari umuvyeyi wanyu  BURUNDI . 

Kubwanje nanj,Nkaba nteye akamo  umurundi wese aho ari m’ubushinois ,nti karibu muri AEBC  , uze tube maso ,tuzigame akaranga kacu ,tugendere ubushingantahe ,tubushigikire ,dukundane tugendere umwumvikano . Hagize umwiza mubeza ba AEBC agira  ingorane  ,dusidukane n’iyonka ,twese icarimwe ,tugenda turirimba duti ingo tumurerure ari n’abiwabo ,kuko harya incuti irahumuriza.                                                                                                           Muze muri AEBC aho  bagendane batagenzanya , dusangire dushira hamwe ,dusenyere k’umugozi umwe, niho tuzamana iteka n’ibanga bizodutuma tudahemuka mubantu ,tuyagwe neza mubavyeyi .Aho aciye ,umunywanyi wese wa AEBC ayage ahayagiza mugenziwe ati ndamuzi twasangiye ijambo, dusangira uburaro n’uburamuko . umunywanyi wese yame arangwa n’umutima ,yame ayagwa mubantu bose . Muze turangwe n’ibikorwa bizoduteza imbere hamwe n’igihugu cacu . kaze muri AEBC , dushire hamwe na bene wacu , dukunde ubumwe .  Uko amakungu yose ,azoheza ahayagize ubwiza  twamanye hamwe n’igihugu cacu kuva nakera narindi  ,bavuga bati   EGO NIKO UBURUNDI N’UMUTIMA W’AFRICA .                                                                                                                                                                       

Nkaba  nashaka kurangiza nshimira  uwo wese adahengeshanya kwitanga  kuneza ya AEBC . Nshimira n’abaserukira  umuvyeyi wacu aribwo Burundi aha m’ubushinois kudahengeshanya gushigikira imigambi n’imigabo ya AEBC . 

  Abari mubibazo nti bonne chance ,abiga ururimi nti gira ishaka , n’inguvu .  Bavuga ngo : celui qui a perdu la richesse n’a rien perdu , celui qui a perdu la sante a quand meme perdu quelque chose , mais celui qui a perdu le courage a tout perdu .

                                                      Murakoze cane  Imana ibane namwe .

                                                                                                    AIME  NSAVYIMANA

                                                                                                   Coordinateur  de la  AEBC .                                                                                                 

                                                                                            Etudiant en Département                                                                                                                                                                                                      d’Architecture

                                                                                            Tianjin  University                                                                                                                                         

                                                                                            Tel : 15122443089

E-mail : nsaaime85@yahoo.fr

Ndabaramukije cane,

Ndi n'iteka be n'umunezero ntangere wo kubamenyesha ko uyu musi itariki 30 munyonyo(novembre)2009 isaha zitanu n'iminota mirongitanu z'ijoro(23:50)

Ari wa mwanya wo kubashikiriza icese ivyavuye mubikorwa twari tumazemwo imisi vyo kugena abagiye kuja munzego ziserukira AEBC(Association des Etudiants Burundais en Chine) muri uyu mwaka wa 2009-2010

Nk'uko mwavyiboneye muma messages nagiye ndabarungikira muri iyi ndwi iheze,ama candidatures atatu yarashoboye gutangwa mubibanza bitatu bikurikira:

1.Poste du coordinateur de l'AEBC
2.Poste du representant des etudiants du 3eme cycle
3.Poste du representant des etudiants du  cycle universitaire

ikibanza kimwe kimwe cose kikaba cari gifise candidature imwe,mukaba mwarahawe n'akaryo ko kugira ico mushikirije kuri izo candidatures kuko n'ubundi ijambo ryanyuma ari rwanyu.

ikibazo c'ikibanza ca tresorier kitaronse candidature kikazoca cigwa na comite nshasha igiye guserukira AEBC,tukizera ko kizotorerwa inyishu.

Nkuko rero mushobora kuvyibonera muma E-mails canke kuri blog ya association( http://aebc.blogzoom.fr/ )abanyeshule batari bake barashoboye gushikiriza ivyiyumviro vyabo,bose mbere kugeza ubu bakaba barashigikiye ko Abatanze amacandidatures yabo baserukira AEBC muri uyu mwaka wa2009-2010,

nishimikije ivyo vyiyumviro nyene,ndi n'iteka ryo kubamenyesha ko kuva uyu musi itariki 30 munyonyo 2009,comite de coordination nshasha ya AEBC muri uyu mwaka wa 2009-2010 igizwe n'aba banyeshule duhejeje kwitorera:

1.Coordianteur de L'AEBC(2009-2010) : M. NSAVYIMANA Aime(Etudiant du cycle universitaire a Tianjin)

2.Representant des etudiants du 3eme cycle: M. NTAKARUTIMANA Protais(Etudiant du Troisieme cycle a Beijing)

3.Representant des etudiants du cycle universitaire: M. SENTORE Eustache(Etudiant du cycle universitaire a Changsha)

Nkaba nkeje cane aba bagiye kuduserukira,ndabipfuriza kuroranirwa mumabanga akomeye bagiye kubangikanya n'ayo bari basanganywe yo kwiga.
ndabashimiye cane k'umutima wo gushigikira AEBC mwerekanye,nkaba nizera ntakekeranya ko muzokwamana ubwira musanganywe mukuduserukira,Imana nayo ize ibaje Imbere.

Ndashimiye kandi cane abo bose bashikirije ivyiyumviro vyabo haba kuri e-mail canke kuri blog ya AEBC( http://aebc.blogzoom.fr/ ),abatashoboye kwandika nabo ndizera ko kwabaye kubura akanya gusa,nkizera ko twese tuzoshigikira tukanitaba,umwanya ubidukundiye, ibikorwa vyubaka kandi biduhuza aba bagiye kuduserukira bazoba badutumiyemwo,kuko intererano y'umwumwe wese muri twe iri n'agaciro ntangere.

imbere y'uko ndangiza reka nsubire kubibutsa y'uko mukworohereza aba bagiye kuduserukira,abanyeshule bari mubisagara bitarimwo amacellules AEBC ko boja hamwe bakayagira hanyuma bakamenyesha coordinateur mushasha abayaserukira,kugeza ubu cellules za AEBC ni zitanu gusa(WUHAN,NANJING,SHANGHAI,CHANGSHA,BEIJING),mwomenya ko aho hose hari abanyeshule babiri baba bakwiye kugira bagire cellule AEBC,ahari umwe nawe akegukira cellule AEBC imwegereye.abaserukira ayo ma cellules bakaba bari muri comite ya AEBC.

Nagira ndangize ndabashimira mwese,abanyeshule,Bimwe bivuye kumutima;
n'iteka ntangere mwanteye mukunyizera ngo ndabaserukire muri iyi myaka ibiri iheze,nkaba narashoboye kuhakura ubumenyi bwinshi ngirakamaro,akaba ari nabwo buntuma n'ubu nguma niyemeza ko ntazohengeshanya mugushigikira AEBC nogufasha muvyo nshoboye mugihe akanya kazoba kakinkundiye.

Ndabipfurije amagara meza, kumenya muvyirwa vyanyu,gutera imbere,Imana nayo ikomeze kubahezagira,Murakoze,

Pascal MPAWENAYO,   Ex-coordinateur de l"AEBC

USTB
Beijing City
Hai Dian District
Xue Yuan Road
30#
100083